Мен туралы

Қабдрахманов Саясат Идеятұлы

Туған күні: желтоқсан

Туған жері: Қазақстан, Атырау облысы

Мекен-жайы: Қазақстан, Астана қаласы

Мамандығы: Ассорти

Білімі: философия магистранты /Л.Гумилев ат. ЕҰУ/

ФейсбукСаясат Идеятұлы

ИнстаграмQazaquly

Өзіммен сұхбат

  • - Мына блогты не үшін аштыңыз?

    - Негізі мен бұл блогты екі жыл бұрын ашқам. Ерініп-ерініп жүріп, қайта қолға алдым)   Жалпы мен көп ойланатын адаммын. Кейде түнімен маза бермейтін ойларды жарыққа шығарғым келеді. Немесе кейде өзім түйсінген, түсінген, өзім дұрыс деп тапқан мәселелерді жазғым келеді, Ал оны фейсбукке жаза бастасам, әй, осы керек пе, лайкоманиям жеңіп жазып жатқан жоқпын ба деп өз-өзіме ұрсып аламын да, қоя саламын. Инстаграмдағылар болса, менің ойларымды құлағына да қыстырмасы анық. Телеграмнан канал ашайын десем, кейде құнды дүниелер жазып (прям профессор сияқты айтқандай-ақ), оным іздеу жүйесіне шықпай қала ма деп қорықтым). Ал мұнда өзіммен-өзім. Оқығысы келгендер оқыр, оқығысы келмесе, өз сөзім өзімдікі дедім де (бірақ бұл сөз де менікі емес :( ), бастап кеттім)
  • - Өмірлік ұстанымыңыз қандай?

    - Оның қандай екенін айтпас бұрын, "өмірлік ұстаным" дегенді қалай түсінетінімді айтқаным жөн деп отырмын. Мысалы мен оны өзімнің қалай өмір сүруімнің парадигмасы деп білемін. Алдымда кез-келген таңдау тұрса, бірінші сол парадигмаға сүйенемін де, сосын шешім қабылдаймын.   Ал менің өмірлік ұстанымым - "Адам тамақ жеу үшін өмір сүрмейді, өмір сүру үшін тамақ ішеді" деген тәмсіл. Мен осы кезге дейін, барлық қателігім де, дұрыс шешімдерім де осы ұстанымыма байланысты боп келеді. Әрине, оның да зардабы аз емес. Бірақ өзіме ұнайды :)
  • - Жарайды, сұхбатты кейін жалғастырармыз, менің ішім пысып кетті((

    - Келістік, кейін жалғастырармыз...

Көп қойылатын сауалдар:

  • Қай жылғысың?

    - Өткен ғасырда дүниеге келгем...
  • Атыраудың қай жеріненсің?

    - Исатай ауданы, Хамит Ерғалиев ауылы
  • Руың кім?

    - Сүйіндік - Адай
  • Қандай мамандықта оқисың?

    - Философ
  • Неге үйленбейсің?

    - Сәл қалды
  • Қызың бар ма?

    - Белсенді іздеудемін
  • Жайдарманға билет бар ма?

    - Ол жақтан кеткеніме қанша уақыт болды. Билетке де, басқаға да дым қатысым жоқ
  • Бырат, маған жұмыс тауып берші

    - Резюмеңді жіберіп қой, ыңғайыңа келген жұмыс болса хабарласам

Яндекс.Метрика