Туған күні: — желтоқсан

Туған жері: — Қазақстан, Атырау облысы

Мекен-жайы: — Қазақстан, Астана қаласы

Мамандығы: — PR саласы

Білімі: Ғылым магистрі

Фейсбук — Саясат Идеятұлы

Инстаграм — Qazaquly

— Мына блогты не үшін аштыңыз?

— Негізі мен бұл блогты бірнеше жыл бұрын ашқам. Ерініп-ерініп жүріп, қайта қолға алдым)   Жалпы мен көп ойланатын адаммын. Кейде түнімен маза бермейтін ойларды жарыққа шығарғым келеді. Немесе кейде өзім түйсінген, түсінген, өзім дұрыс деп тапқан мәселелерді жазғым келеді, Ал оны фейсбукке жаза бастасам, әй, осы керек пе, лайкоманиям жеңіп жазып жатқан жоқпын ба деп өз-өзіме ұрсып аламын да, қоя саламын.

Инстаграмдағылар болса, менің ойларымды құлағына да қыстырмасы анық. Телеграмнан канал ашайын десем, кейде құнды дүниелер жазып (прям профессор сияқты айтқандай-ақ), оным іздеу жүйесіне шықпай қала ма деп қорықтым).

Ал мұнда өзіммен-өзім. Оқығысы келгендер оқыр, оқығысы келмесе, өз сөзім өзімдікі дедім де (бірақ бұл сөз де менікі емес), бастап кеттім 😉

— Өмірлік ұстанымыңыз қандай?

— Оның қандай екенін айтпас бұрын, «өмірлік ұстаным» дегенді қалай түсінетінімді айтқаным жөн деп отырмын. Мысалы мен оны өзімнің қалай өмір сүруімнің парадигмасы деп білемін. Алдымда кез-келген таңдау тұрса, бірінші сол парадигмаға сүйенемін де, сосын шешім қабылдаймын.

Ал менің өмірлік ұстанымым — «Сенің еркіндігің өзгенің еркіндігі басталған жерден бітеді» деген тәмсіл. Мен осы кезге дейін, барлық қателігім де, дұрыс шешімдерім де осы ұстанымыма байланысты боп келеді. Әрине, оның да зардабы аз емес. Бірақ өзіме ұнайды 🙂

Мен – PR және контент жасау маманымын. Жобалық менеджменттен бастап мемлекеттік коммуникацияға дейінгі салаларда жұмыс істей отырып, өзімді тек орындаушы емес, жүйені сезетін және қажет болса, өзгертуге ұмтылатын маман ретінде қалыптастырдым.

Маман ретіндегі басты құндылығым – қазақ тілінде жоғары сапалы мәтін жазу, ақпаратты құрылымдап, мағыналы ету, және күрделі дүниелерді түсінікті тілге аудара алу. Қоғаммен байланыс, баспасөз қызметі, медиажоспарлау, аналитика және цифрлық орта – менің күнделікті тәжірибем.

Мен үшін жұмыс – уақыт өлшеу емес, мән іздеу. Сол мән табылған сәтте мен кез келген ортада жүйелі әрі нәтижелі жұмыс істей аламын.

— Қай жылғысың? — Өткен ғасырда дүниеге келгем…