Қазып әкелген жоқсың ба?

Азамат деген сыныптасымның жары Құндыз құрдасымыздың тауып (бәлкім қауып) айтқан сөздері сыныптастар арасында жиі айтылып тұрады. Солардың топтамасын жазып қояйын.

2
101

Жаңылыспасам 2016-2017 жылдар шамасы. Азамат досым үй-ішімен Астанаға көшіп келді. Көрісуге әні-міні деп, қол тимей бір күні жолығып, Астананы аралап қайтпақ болдық.

Азаматтың машинасы бар, мен алдыңғы орында, әйелі Құндыз артқы орындықта, әңгіме айтып, қаланы аралап келеміз. Азамат машинада ойнап тұрған музыканы қайта-қайта ауыстыра береді. Оған мезі боп кеттім ғой деймін, «әй, бір музыканы соңына дейін қоссаңшы, неге ауыстыра бересің» десем, артта отырған Құндыз: «Ой, Сәке, ештеңе етпес, біз сол осы машинада поппури тыңдап үйреніп қалдық» дейді. Үшеуміз әбден күліп алдық.

Қала аралап келе жатып, мен таныстырып келе жатырмын ғой баяғы. Бір жерге тоқтап көрейік деп келістік. Бірақ Азамат ызғытып келіп, мен «Мына жерден бұрылу керек» дегенше болмай асып кетеді. Сосын «Жарайды, басқа жерді көрерміз» деп әрі кеттік. Тағы да «бұрыл» дегенше болмай, асып өтіп кеттік. Сонда Құндыз: «Сәке, ренжіме, Азекең бізді барынша көп жерді аралатуға тырысып жүр ғой» деп тағы күлдірді.

***

Ауылға барсақ, Бақсай (жергілікті тұрғындар «Боқсақ деп атайды) каналынан балық аулаймыз. Өзі таяз болса да, шортанға бай канал ғой.

Бір күні достарымызбан балық ауламақ болдық. Бір жарым қарыстай шортан ұстадық та, басқа түспей біраз күтіп қалдық.

Сосын достарымның бірі үй жаққа бармақ болды да, ұстаған әлі шортанды үй жаққа ала кетті. Енді жағаға шығарылған балық қой, секектеп, топыраққа әбден аунаса керек. Әлгі досым оны жумастан Азаматтың үй жағына апарған ғой. Алдынан Құндыз шықса, әлгі балықты бере қойыпты.

Батпаққа әбден былғанған балыққа таңдана бір қараған Құндыз «Немене бәле, балықты қазып әкеле жатсыңдар ма?» деп айтады дейді. Қайтып келген соң әлгі досымыз бізге айтып, біраз күліп алдық.

Әзір есіме түскені осы, келесіде жалғастырып жазарм)

2 ПІКІР

ЖАУАП ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз