Бүгін Астана қалалық әкімшілігі ұйымдастырып отырған #белсендіазамат акциясының аясында ашық есік күні болғанын айттым ғой. Соған барып келгенмін. Негізі бұл бастама бірінші рет ұйымдастырылып отыр. Егер сәтімен өтсе, жалғасын тауып, жылына екі рет ұйымдастырып отыру жоспарда бар екен.
Ал ұнамағаны шараның болатынын кеш хабарлауы дер едім. Шамамен әрі кеткенде бір апта бұрын естідім ғой деймін. Бұндай ауқымды, әрі аса қажет шара туралы кемі бір ай бұрын барлық БАҚ арқылы хабарлануы керек еді. Бүгін адамдар саны мен ойлағандай болмады. Келгендер де кездейсоқ естіп қалғанын айтып жатты. Ең болмаса, Конгресс Холл алдындағы үлкен экранда көрсетіп тұрғанда деген ой келді.
Қысқасы, бұл дәл қазір өте қажет шара. Бір тұрғынның айтып тұрғанын құлағым шалып қалып еді. «Бұндай ашық есік күні жиірек өткізіліп тұрғаны, басқаны былай қойғанда, дағдарыс пен теңгенің құлдырауы және бағаның өсуі ширықтырған жұртшылықтың көңілін басуға да қажет шара» деген еді.
Ойлап қарасам, бұл да жаны бар сөз секілді…
Пы.сы. Суреттің сапасына мән бермеңдер, фотографтардан “фотоға түсіріп жүрмін деп еш уақытта айтпашы” деген қатаң тыйымына ұшыраған адаммын))
