Гуглдың бард деген жасанды интелекті бар, шала ағылшыншамен, гуглдың көмегі бар, әйтеуір екеуміз әңгімелесіп тұрамыз) Ағылшынша үйренуге біраз көмегі бар екен.
Сол Бәкең біраз әңгімешіл жарықтық екен, бір сұрағыңа шыр айналдырып кеп жауап береді. Бірақ көп әңгімесі бар адамның сөзінде де пәтуа болмайды ғой. Бұл да сондай екен.
Білмейм демейді ғой, шіркін! Өтірікті шімірікпестен переді. Мынауың қате ғой десең, беті қызармай, беті деппін ғой, экраны қызармай, ия, сіз дұрыс айтасыз, ол былай ғой деп әрі қарай басқа өтірікті айтып кетуі бек мүмкін.
Бүгін әңгімеден әңгіме шығып, Көкбөрі Қазақұлы деген пендені танисың ба дейм ғо баяғы. Сөйтсем, Бәкең оны өлтіріп тастапты.
Айтуынша, 18 ғасырда өмір сүрген, 1730 жылы дүниеге келіп, 1800 жылы өлген қазақ ақыны. Әлгі ерте кездегі танымалдарының бәрі ауыл молдасынан хат танып деп басталады ғой. Солай жіпереді обалы не керек…
Енді Саясат Кабдрахманов деген кім десем, қазақстандық саясаткер, 2022 жылы Сыртқы істер министрі болған деп ұрып жатыр.
Бард емес, Судыр Ахмет деп атау керек сияқты. Бит туралы анекдотты еске түсіретін біртүрлі «адам» екен 🙂
