Бісміллә деп Тәжікстанға да келіп қалдық. Мақсатымыз — ортаазиялық MediaCampfest-ке қатысу. Жаздың басында Алматыда Internews-тің қолдауымен Мінбер журналистерді қолдау орталығы ұйымдастырған тренингке қатысып келдім ғой. Соның себімен, міне бүгінгі сапардың жөні болды.
Фестиваль ертең болды, сондықтан бір күн бұрын ерте келіп алғасын не істейміз, қаланы араладық. Араладық дегенде көпке бармадық, орталығын шолып қайттық.
Душанбе — заманауи өрнек пен ұлттық архитектураны қатар ұстанған қала секілді көрінді. Ұлттық өрнекті, иісті һәм колоритті кез-келген жерден көруге болатындай.
Барған жеріміз тәжіктердің «Ақордасының», » Кремлінің», «Ақүйінің» маңы болды.
Айналасы түгел тәжік жерінде жүргеніңді еске салып тұрады.
Көзге бірден түсетіні, Орта Азия бойынша ең үлкен кітапхана — Тәжікстан ұлттық кітапханасы бар. 45 мың кв метр аумақты алып жатқан кітапханада 6 млндай кітап қоры бар екен (Қосымша ақпарат: Алматыдағы кітапханада 7 млн шамасы).
Мені таң қалдырғаны оны Президент үйінің қасына салып, айналасын тәжіктің ғұламаларының бюстімен толтырып қойғаны.
Қақ алдында тәжіктердің мақтанышы Рудакидің үлкен ескерткіші.
Айтпақшы, кітапхананы аралау ақылы екен, бірақ бүгін Рудаки күні атап өтіліп жатқандықтан, тегін болды.
Бұларда біздегі Назарбаев секілді кез келген нәрсеге, көше, алаң, үй демей, бәріне Рудакидің атауын беріпті.
Ошм өздерін ұлыларын ұлықтауға баса көңіл бөлінеді екен. Әйтеуір тәжіктің жерінде жүргеніңді солармен нұсқап тұрып ұғындырғандай көрінді маған…
Ал өзім қанша ойлансам да, бұндайымызды еске түсіре алмадым. Нұрсаядан құрығанда Тұңғыш Президентің де үлкен суреті жоқ қой.
