Құрметті, «Ағаш ойнасы»! Сіздерге жұрттың бәрі өз басынан өткен зарлы оқиғасын айтып, шер тарқатып жатыр ғой. Менің де бір басыма жетер мұңым бар. Соны сіздермен және оқырмандарыңызбен бөліссем деймін.
Бәленің бәрі сол уатсаптан басталды…
Жұрттың бәрі тіркеліп жатқасын, солардан қалмайын деп мен де уатсапқа тіркелгем. Басында бәрі қызық. Бір күні өз телефоным істемей қап, көршінің ұялы телефонымен кіріп жүрген кездер де болған. Оны қойшы, бір күні бұл күндердің топалаңы шықты.
Шыққаны емей, немене, әлгі көрші жігіт он бес жігітке арнап, бір конференция ашып, соған кіргізіп жібермесі бар ма? Ішінде маған ұнамайтын, көзқарасыма мүлде теріс нәрселер жазылғасын, басында бір-екі рет шығып кеткем, қайдағыы?! Жекеге шығып, одан қалса, сыртқа шыққанда әңгіме айтып, қайтып кіргізді ғой. Өзі де денелі, сідігі сыртына шығып, адырайып қалған біреу еді. Қалай қорықпассың…
Әлгі чатта неше түрлілер жазылып, тіпті сондағылар чат иесінің айтқан тапсырмаларын орындайтын жағдайға жеттік…
Бір күні қызық болды. Кенет чаттағы жігіттер біртіндеп шығып кетті де қалды. Қызығы сол, соны ашқан жігіт те тайып тұрған. Жалғыз қалсам да, қорқып қалған басым шығуға жүрексініп біраз жүрдім де, ақыры «выйти-ды» бастым. Мәә, сондағы өзімнен-өзім қуанғанымды көрсең… Как буд то, әлгі чат иесінің тұмсығын періп жіберіп, есікті тарс жапқан адамша, әлі күнге мәз боп қоям…
Чатты да кетіріп тастадым. Айтпақшы шықпас бұрын ішіндегі біраз керекті жазбаларды чат иесіне беріп жібергем. Оның ішінде небір аса қажет құжаттар да бар еді. Содан ептеп, өзіме де ап қалуды ойламаппын ғой. Шамасы «Құтырғаннан құтылған» десем керек…
Сөйтіп арада біраз уақыт өтті. Біраздан соң өзімнің де ішім пыса бастаса керек. Артым қышып, өзім конференция ашып,әлгі чаттағы жігіттерді жинағым келді. Ойымды сол баяғы көрші жігітке айтып ем, келісе кеткені. Сөйтіп қайтадан конференция ашып, баяғы жігіттерді шақырдық. Алайда келіскені екі-үшеуі ғана болды. Қалғандары қос саусақтың ортасынан бармағын шығарған смайлик жіберіп, жөніне кетті.
Сөйтіп конференцияны аштық. Бірақ «Көтергенің құрсын, к*тіме қол тыққасын» деп бір жеңгесі қайнысына ашуланыптының кері келді. Әлгі көрші жігіт таза епті байымайд екен. Әлі сол ажырайған қалпынан таймаған. Баяғыша әмірін жүргізгісі кеп жүр. Жіберетіні сол баяғыша адам шошырлық немесе +18 фото-видеолар. Оларды үйдегілер көріп қалмасын деп, тыққыштап мен әлек. Әбден ығырым шықты. Әуелде артым қышып ашқан чат үшін, енді артым ашып жүр. Жас болса, міне 25-ке келіп қалды. Енді не істерімді білмеймін.
Ақыл айтыңыздаршы((
#25жылдықтыңалғашқыәңгімесі #нежазғанымдыөзімдебілмейм #сендетүсінбесеңүндемейжүребер
