Қалай ақтасаңдар да, талақтарың тарс айрылса да айтайын, «Қазақ хандығы» жан-жағынан қарасаң да, түкке тұрмайтын фильм деп есептеймін. Әрине, бұған жамандағым келгеннен айтып отырғам жоқ. 10 сериасын түгел көріп шықтым. Шынымды айтсам, көтриоттығым ұстап көріп шыққанмен, бірақ соңынан өзімді «Сұрдың елу реңкіндегі» қыздың жағдайындағыдай сезіндім емес пе?!

Сценарий жазушы қазақ тарихынан хабарын былай қойғанда, қарапайым қазақы әдепті, салтты, дәстүрді ұрғаны һәм түкіргені барын көрсетіпті. Мысал ма? Мысалы, Жәнібек пен Керей көшінің Жетісуға көшіп бара жатқан керуенге емес, босып бара жатқан босқындарға ұқсайды. Ау, сиыр екеш, сиыр да бір соқпақпен жүрмей ме, ал бұлардың көші аңыздап, шартарапты алып кетіп барады.

Оны қойшы, «Таздан тарақ кеткелі қашан?» демекші, көшті ұмытқалы қашан? Бірақ кешірім сұрап келген Ойбас би бастаған қыпшақтардың төрелер мен ел ақсақалдарының кеудесіне ат тұмсығын тіреп, аттан түспей шіреніп келіп, кешірім сұрағаны басыма да, тасыма да сияр емес.
Соны көргенде сценаристі машинамен бір қағып өтіп, қайта айналып келіп, машинаның терезесін түсіріп қана, «кешірші» дегім келіп кетті ғой.

Қош, ол сценарийдің қатесі ғой. Басқа қателерін қоя берелікші. Бірақ есі дұрыс адам немесе топ өзінің өнімін жарыққа шығар алдында бір тексеріп алу керек қой.

«Жетісу өңірі» дегенді «ЖетЫсу» деп жазу үшін не шегіп алу керек екеніне басым қатты. «Дешті Қыпшақ даласы» деп жазғанда әй, «Дешті Қыпшақ» дегеннің өзі «Қыпшақ даласы» дегенді білдіреді ғой деуге шамасы келмегендер түсірген киноны әлі ақтап отырсаңыз, сіздің тарихқа, қазақ дәстүріне түкіргеніңіз бар деп түсінемін.

Басқа айта беруге болатын еді. Бірақ қарапайым жайтты білмегені үшін сол киноны түсірген топты, оны қабылдаған шенеуніктерді, ақша бөлгендерді түгелімен зынданға, түрмеге, қысқасы жердегі тозақ атаулының бәріне тыға салуға еш шімірікпей жаза кесе салуды дұрыс көріп отырмын ((

Бірдеңе жазуға болады

Please enter your comment!
Please enter your name here