Бірінші сыныптан бастап ағылшын оқуына қарсымын

0
79

Бес тиынымды қосып кетейінші. БҒМ-ның көп тірлігіне қосыламын. Тіпті Баян туралы даудан да БҒМ қателік жіберіп отырған жоқ. Ол туралы ерінбеген күні жазармын. Бірақ БҒМ-нің бірінші сыныптан бастап ағылшын оқытатынына, өз басым болсын, біреудің басы болсын, қарсылығымды білдіріп қойғым келеді.

Тіпті былтыр көктемде министрмен кездесуде де айтқанмын. Жаңыл Жонтаевамен кездесуден кейін де өз ойымды айтқанмын (әлбетте, ешкім бір жеріне қыстырмаса да).
Бала бәрін жадында сақтайды дей бересіздер. Бірақ жадында қалай сақтайды? Соны біліп беріңіздерші әуелі. Әрине, 1+1=2 екенін білер, бірақ 1- бір деп біле ме, уан деп есіне сақтай ма деген қуған бір сұраққа ғылыми тұжырым жасайтындар жауап бере ме?

Содан кейін, қазақ тілінде емес, қазақша сөйлеу мәселесі кеп шығады. Қазір балалар қазақ тілінде сөйлей алады, бірақ тілі үндестік заңына бағынбайды. Себебі тілі шыққаннан бастап қойыртпақ тілмен келеді. Екпінді дұрыс қоя алмайды, орфография мен орфоэпияны айыра алмайды,т.б.

Содан кейін БҒМ қанша жерден идеял идеялар әкелгенмен, жергілікті жағдаймен санаса алмай келеді. Рас, ағылшын тілі орыс тілін ығыстыруы мүмкін. Бірақ қазір тек аударма тіліне айналып кеткен қазақ тілі ығысып кеткен орыс тілінің орнына келе ала ма, жоқ па? Жұрт неге шулайды? Қазақ тілінінің қазіргі жағдайы нақты қандай деңгейде? Осыларды зерттеп көргеніне, мониторинг жасағанына күмәнім бар. Бір ғалымның қазіргі қазақ тілінің жағдайы туралы ғылыми зерттеу жасағанын естіген емеспін БҒМ тапсырысымен.

Содан кейін жұрт топас па, неге шулайды деп аң-таң, үсті-басы шаң-шаң болып отырмай қайтсін?

Бірдеңе жазуға болады

Please enter your comment!
Please enter your name here