azattyq.org

Мысалы елімізде екі бірдей бас газет бар, «Егемен Қазақстан» мен «Казахстанская правда» газеттерін айтам.

Желтоқсан оқиғасы кезінде бұл екі газет те сондағы жастарды жамандап, алқаш, нашақор етіп шығарды. Жастарға зобалаңның келуіне осы газеттердің үлесі қомақты болғаны белгілі.

Дегенмен ЕҚ-ны айыптамасы анық, себебі бұрын «Социалистік Қазақстан» болды, кейін тәуелсіз атау алды. Сондықтан айып тағудың реті жоқ.

Ал сол атауы байырғы, ауыспаған КП-ға қарап, біраз таңқалары анық.

«86-дағы жастарды қаралаған газет әлі өмір сүріп келе жатыр ма, оған еще мемлекет қаржыландыра ма? » деп сұрақ қойған балаңызға не деп жауап берер едіңіз?

Жоқ, идеологиясы өзгерді ғой деп құтыла алмайсың, қазіргі заманда есі дұрыс менеджмент кері реакция берер брендке өлсе де жуымайды.

Оның үстіне тәуелсіздікті басты назарда ұстап отырғанда, отаршыл насихат құралын әлі дәріптеп отырғанымыз артты ашып күлетін тірлік негізі.

Қайсыбірін айта бересің, бірақ екі бірдей бас газет қып, екеуін де АО қылып ұстап отырудың мәнін түсіне олар емеспін.

Біріктіріп жіберіп, «Егемен Казахстанның» қазақша-орысша, керек десең ағылшынша нұсқасын жасай салу менің ғана басыма келе ме? Қанша қаржы үнемделер еді, кейінгі ұрпақтың алдында да жауабымыз дайын болар еді.

Бірақ «барайын ба, бармайын ба деп өтірік ұйқысыраған құдасына «айтасың да, қоясың» деп жауап берген құдағайша, біз де айтамыз да қоямыз.

Себебі өзіміз олардан тәуелсіздік алдық деп жыртылып жүрген Коммунистік партияның Мәжіліс төрінде отырғанда, газет жабу не теңің, жылтырайды көтенің…

Бірдеңе жазуға болады

Please enter your comment!
Please enter your name here