Қазақ блогерлері. Blogcamp-2012. Астана

Блогер деген кім? Қазақ тілінде жазатын блогерлер бар ма? деген сұрақты интернетте жүргендер жиі сұрастырып жүргені.

Сондықтан қазақ блогерлерінің тізімін жасап қою ойда жүр еді, соны блогыма іліп қойдым (сайттың жоғарғы менюінде тұр). Алдағы уақытта олар туралы қысқаша инфо (бағыты, қасиеті, жарнама ақысы, т.б.) жазып қоярмын. Әзірше негізінен белсенді жүргізетін әлеуметтік желілеріне бағыттап қойдым.

Блогер деген кім?

Жалпы блогер деген — аты айтып тұрғандай, блогы бар адам. Ол шопыр ма, шенеунік пе, әлде журналист пе, мұғалім бе, маңызды емес, кімде блог бар, сол — блогер. Ал оның қандай блогер екені кейінгі мәселе.

Әуел бастағы түсінік осылай басталған. Кейін интернет өмірімізге ене бастағанда, «блогер» ұғымы кеңінен танымал болды да, оны әулие санайтындар көбейді (әдетте пенде өзі білмеген нәрсені әулие көретіні белгілі жайт қой).

Әулиелігі сонша, блогерлер тек тәуелсіз жазу керек, өтірік жазбау керек, тек шындыққа құл болу керек, ақы алмау керек, сатылмау керек, т.б. керектердің ішіне тықты да, оны пендеден жоғары қойды да тастады. Тіпті жарнама жазған блогерлерді жерден алып, жерге салды.

Әй, ол блогерің тектен тек энтуазизммен жаза беру керек пе, ол да өзінің осы бір жаза білу қасиетімен ақша тапса, несі айып?

Ошм, түсінген шығарсыздар, блогер деген — өзінің (блог) жазу, сөйлеу (влог) қабілетін көрсеткен пенде. Мамандық емес. Ол өзінің қабілетін сата ма, тегін бере ме, әлде жалға қойып тастай ма, өзінің мәселесі.

Сондықтан өзім жақсы танитын блогерлерді тізімдеп қоюды жөн көрдім.

Бірдеңе жазуға болады

Please enter your comment!
Please enter your name here