Ал мен осыған дейін билік тарапынан қоғаммен байланыс орнату үшін құрылған бірнеше Кеңесті қарап шықтым. Соны бөлісіп қояйын)
1. Мемлекеттiк саясат жөнiндегi Ұлттық кеңес (1993 жылғы 5 маусым. Күшін жойған) – Қазақстан Республикасының Президентi жанындағы мемлекеттiк саясат жөнiндегi Ұлттық кеңес тұрақты жұмыс iстейтiн консультациялық-кеңесшi орган.
Мақсаты – Егемен Қазақстанның қалыптасуы мен одан әрi дамуы процесiнде мемлекеттiк саясаттың тұжырымдамалық негiздерiн жасау, Қазақстан Республикасының Конституциясына сәйкес азаматтық татулық пен келiсiмдi қамтамасыз ету, демократиялық процестер мен қоғамды әлеуметтiк-саяси реформалауды тереңдету.
Міндеті – Мемлекеттiк саясат жөнiндегi Ұлттық кеңестiң басты мiндетi – қоғамды әлеуметтiк-саяси реформалаудың ғылыми дәйектi тұжырымдамалық негiздерiн әзiрлеу, халықтың демократиялық рухани ортасын қалыптастыру, тұрақтылыққа, этникааралық келiсiм мен азаматтық татулыққа қол жеткiзудегi мемлекеттiк және қоғамдық құрылымдар қызметiнiң жұмыстарын үйлестiру;
2. Қазақстан Республикасының Ұлттық кеңесі (2002 жылғы 29 сәуір. Күшін жойған) – Қазақстан Республикасы Президентінің жанындағы консультативтік-кеңесші орган.
Мақсаты – мемлекеттiк өмiрдiң неғұрлым маңызды мәселелерi, мемлекеттiк органдардың халық алдындағы жауапкершілігiн көтеру жөнiнде ұсыныстар мен ұсынымдар тұжырымдау, азаматтық қоғам өкiлдерiмен кеңiнен талқылау негiзiнде iшкі және сыртқы саясаттың негiзгi бағыттарын айқындау.
Міндеті – мемлекеттің ішкі және сыртқы саясатының негізгі бағыттарын қозғайтын проблемалар жөнінде ұсыныстар тұжырымдау;
– президенттік басқару нысанындағы біртұтас мемлекет жағдайында аймақтардың пікірлерін ескере отырып, мемлекеттік саясат, қоғам мен мемлекеттің тіршілік қызметінің негізгі бағыттары мәселелерін талқылауға мемлекеттік органдардың, сондай-ақ азаматтық қоғам институттары мен халықтың түрлi әлеуметтiк топтарының өкiлдерiн тарту;
– ел дамуының қорытындылары мен болашағын қарау, қоғам мен мемлекеттің жұмыс істеуін жақсарту жөнінде Мемлекет басшысына ұсыныстар енгізу;
– Республика Президентінің тапсырмасы бойынша тұжырымдамалар және Қазақстан – Республикасының неғұрлым маңызды заңдары мен Мемлекет басшысының актілері жобаларын қарау;
– Республика Президентінің ұсынысы бойынша мемлекеттік өмірдің өзге де маңызды мәселелерін талқылау;
3. Қоғамдық кеңес (2015 жылғы 2 қараша) – коммерциялық емес ұйымдармен, азаматтармен бірлесіп, министрліктер, Қазақстан Республикасының Президентіне тікелей бағынысты және есеп беретін органдар, сондай-ақ жергілікті мемлекеттік басқару органдары өз құзыретіндегі мәселелер бойынша құратын консультативтік-кеңесші, байқаушы органдар.
Мақсаты – Азаматтық қоғамның қоғамдық маңызды мәселелер бойынша пікірін білдіру;
Міндеті –азаматтық қоғамның мүдделерін білдіру және республикалық және жергілікті деңгейлерде шешімдерді талқылау мен қабылдау кезінде жұртшылықтың пікірін ескеру;
– орталық және жергілікті атқарушы органдар мен жергілікті өзін-өзі басқару органдарының азаматтық қоғаммен өзара іс-қимыл жасауын дамыту;
– қоғамдық бақылауды ұйымдастыру мен орталық және жергілікті атқарушы органдар мен жергілікті өзін-өзі басқару органдары қызметінің ашықтығын қамтамасыз ету;
4. Қазақстан Республикасы Президентінің жанындағы Ұлттық қоғамдық сенім кеңесі (2019 жылғы 12 маусым) – азаматтық қоғамның барлық топтарының өкілдері және биліктен Президент, Прьемер-министр, Мемлекеттік хатшы ғана кіретін консультативтік-кеңесші орган.
Енді нақты мақсаты мен міндеттері қандай болатынын алдағы уақытта көреміз бұйырса 😉
