Өскеменге келген соң, біз түстен бастап, қаланы аралауға кірістік. Әуелі бейресми «Этноауыл» деп аталатын Шығыс Қазақстан облыстық сәулет-этнографиялық және табиғи-ландшафттық музей қорығына бардық.

Бұл — үлкендігі бірнеше гектарға созылатын, ішінде бірнеше бөлімнен тұратын үлкен кешен екен. Ең әуелі этноауылдағы «Әскери қалашықтан» бастады. Мұнда түрлі техникалар, артиллериялық қару жарақ түрлері, тіпті қазылған окоп, блиндаждар да орналастырған.

Содан соң  «Гүлдер қалашығына» қарай жүрдік. Гүлдің түр-түрін егіп, жайнатып қойған аумақтан шыққың келмейді. Бейне бір кілемге ұқсаған керемет сурет.

Одан кейін «Этноауыл» дегеннің өзіне аяқ бастық. Бұл біз көріп жүрген Астананың этноауылы емес, түрлі ұлттардың үйін тұрғызып, ішін жасақтап қойылған ғимараттар. Тіпті қазір босатып берсе де, орнығып алуға болатындай.

Дәл қазіргі сәтте бұндай кешен өзге қалаларда жоққа тән. Айтпақшы бұл мекен еліміз бойынша ең бірінші құрылған «Этноауыл» екен. Басқа бағыттарға баруға болатын еді, дегенмен жоспар бойынша «Азия автоға» баратын болғандықтан,  этноауылдардан әрең шықтық.

Азиа Авто — Қазақстандағы машина құрастырушы бірден-бір машина зауыты

Бұл жерде компанияның арнайы өкілі шығып, блогерлердің барлық сұрағына жауап беріп, машинаны құрастырудың толық циклімен таныстырды. Бұл қазір толық күшінде машина шығара алмай жатыр екен. Себебі сұраныс бұрынғыдай емес. Сондықтан ресми Диллер саналатын ВИПЕК-АВТО-дан ұсыныс күтіп отырады. Дегенмен қолдан келгенді аянбаймыз дейді шеберлер.

Қазір бірнеше бағытта жұмыс істеп жатыр, соңғы кезде қазақстандықтар арасында ең «хит» көлік — ресейлік ВАЗ. Сондықтан осы машинаның бірнеше түрін шығаруда. Сонымен қатар заман талабына сай электромобиль де шығарған. Дегенмен инфрақұрылым жоқтығына байланысты бұл жоба тоқтап тұр.

Азия Автодан шығып, Нұрлы жол саябағына бардық. Бұл жердің ашыла қойғанына көп болған жоқ екен, шілденің 15-і күні Елбасы ашып беріп кетіпті.

Біздің бұдан кейінгі тірлігіміз — жаңа үлгермеген «Этноауылды» қайта аралап шығу болды. Кешкі астан соң орталық саябаққа келіп, «биші-бұрқақты» тамашалап, үйге оралдық. Өйткені таң ата үш күнге созылатын Қатонқарағайға сапарға шығатын еді…

Жалғасы бар…

Бірдеңе жазуға болады

Please enter your comment!
Please enter your name here