Нұр-Сұлтан қаласының Тілдерді дамыту және мұрағат ісі басқармасына қарасты «Руханият» мекемесі осыны нақтылау мақсатында «Достық» үйінде дөңгелек үстел ұйымдастырды. Оған шақырылған зиялы қауым өкілдері, белгілі қаламгерлер мен ғалымдар Абайдың туған күні турасында түрлі деректерді келтірді.
Сонымен пікірталас нәтижесі бойынша Абайдың туған күні 23 тамыз деп белгілеу ұйғарылды.
Кезінде 10 тамыз деген дата Абайдың ұрпағы Кәкітайдың ұлы Әрқамның естелігіне сүйеніп айтылып келген екен. Бірақ ол жерде ескіше деген сөз ескерілмеген.
Ал 1917 жылдан кейін күнтізбе 13 күнге жылжыған себепті, қазіргі 23 тамызға тап келіп отыр.
Енді мектеп оқулықтарындағы, ақпарат құралындағы, интернеттегі мәліметтерді өзгерту керек.
