Маған ұнамайтын блогкемптер — Алматы, Талдықорған, сосын кешегі Таразда өткендері 🙁 Себебі осыларға бармағанмын 😉
Бәрін қойшы, блогкемп өз темамыз ғой. Мен Білім және ғылым министрінің блогерлермен кездесуі туралы ойланып отырмын да. Әлбетте, бұрын депутаттар, аймақ басшылары мен жергілікті шенеуніктер келіп жүр ғой. Бірақ министрдің келуі біраз маңызды ход болды)

(Сурет табылмады)

Бірақ.. Ия, бірақ, сол министр мырза қателік жасады ма деймін. Келгені емес, әрине, блогерлермен кездесуі өте дұрыс. Бірақ сол блогерлерді жинап алып, сұрақ емес, ұсыныс айтыңдар деуі енді… әлгі, нетіп… не нәрсе болды ма деймін.
Министрдің маңында жүргендер блогер туралы мәліметті қате берген, өзі де дұрыс түсінбеген шығар деп отырмын. Себебі білім және ғылым турасында блогерлерден емес, құрығанда журналистерден сұраса ғой. Ал негізі ұсынысты мектеп мұғалімдері, университет оқытушылары мен ғалымдардан күту керек емес пе?

Ал егер сұрақ қою керек болғанда, әңгіме басқаша болар еді. Ондай сұрақтарды, барсам өзім қоямын деп өзім де дайындап қойғанмын. Сұрағы бар екенін Бэлла ханым да айтып қалды. Бірақ ұсыныс деп, өзіне айналдыра қорған жасап алған министр, жай қонақ боп кетті деуге негіз бар.

Мен ол кездесуді өз көзіммен көрмедім, бірақ бүгін мына видеоны қарап отырып, блогерлер үшін қандай жоғары шенді шенеуніктер келсе де, маңызды емес екенін тағы да түсінгендей болдым. Ия, блогкемп шенеуніктердің баяндама оқитын немесе салтанатты кеші емес, блогшылардың өздерінің кәйпі үшін, яғни өздері үшін ғана өтетін шара деп санайтыны жасырын емес.

Өздеріңіз қараңыздаршы, ұсыныстардың дені дайындықсыз,айту керек болғасын айтылған. Ал министрмен кездесу болатыны екі апта бұрын жария етілді емес пе?!
Ақыры заметка ғып жазған екем, ұсыныстарға тоқталып кетейін:

(Сурет табылмады)

Мысалы, Бауыржан Карипов ұзақ сөйлеп тұрып, танысының кітабын қарап шығуды өтінді. Бұл кісі алдын ала дайындалып келгенге ұқсайды) Шамасы әлгі автор тапсырып жіберсе керек. Бірақ бұл министрмен кездесудің мәнін аша ма? Әлбетте жоқ, кәдімгі ыңғай кеп қалғанда, ойбай менің жағдайымды реттеп берші деген сұрамсақ ұсыныс сияқты шықты. Ол министрдің жауабынан да білініп тұр. Кеңес бар, соған кірсін деп сілтей салды.

(Сурет табылмады)

Сүйекті ұсыныс деп Аятжан Ахметжан деген ағамыздың сөзін айтсам болады. Бір емес, бірнеше ұсыныс білдірді. Соның ішінде маған ұнағаны мұғалімнің мәртебесін көтеру үшін 1) степендияны көтеру, 2) мұғалімдердің құқын қорғайтын заң қабылдау керек деген ұсыныстар болды. Әрине, Аятжан ағамыздың мұғалім екені менің жоғарыдағы сөзіме дәлел болса керек.

Ал үшінші ұсыныс менің жаныма жағып-ақ кетті, мұғалімді қағаздан құтқарсақ дейді. Әлбетте, керемет ұсыныс, бірақ ол жиналғандардың шапалағы мен біз сияқты ажалдыларды риза қылатын құр сөз ғана. Мұғалімдерді сайлауда жүгіруден босатуға болар, бірақ қағаздан босату алдағы жиырма жылдықта болмайтын шаруа деп ойлаймын. Сондықтан тезірек келесі адамға микрофон беріңіз…
Әйтсе де, алдыңғы ұсыныстарды министр жазып алған шығар деген үміттемін.

(Сурет табылмады)

Келесі ұсынысты айтқан Алтынбек Керешовтің әңгімесін жай айта салған деп қабылдадым. Әрине, жаман ұсыныс дегенім емес, дегенмен министр күткен немесе министрге айтатын сөз емес.

(Сурет табылмады)

Содан кейін сөз алған Назгүл апамның да сөзі әлеуметтік қолданушылар күткен үдеден шыққанмен, министр күткендей болмағаны белгілі) Білім жүйесі мың құбылып, бір емес, бірнеше оқулықтағы бықып жатқан қателіктің қасында, бастауыштың бір кітабының аты қате жазылса не бопты?) Менің де көңілімнен шықпады) Сорақылық әрине, бірақ одан да өткендері тұрғанда, аса маңызды деп ойламайм, Назапым ренжімесін. Бірақ министр алдыңа келіп тұрғасын, айтпағанда не істейсің?

(Сурет табылмады)

Сигма Ағайдың ұсынысы жақсы. Бірақ «НИТ» АҚ-ты ысырып тастау керек дегені сұрақтың мәнін жоғалтып кетті ме деген ой бар) Әлеке-ау, e-learning деген пәле сонау Жұмағұловтың кезінде (мүмкін одан әрі) келді ғой. Содан бері үш министр ауысты. Ал e-learning әлі АО «НИТ-тің» қолында. Демек, сіз айтқандай «аонитті ысырып тастағаннан» гөрі, министрді ысырып тастаған оңайырақ па дейм де)) Министр де өз жауабын күлбілтелеп кетпеді ме?

(Сурет табылмады)

Видеоны көріп отырып, мыналар кіл білім туралы айтып кетті ғой, ғылым саласында да ұсыныс білдірмей ме деген ой келген. Өйткені блогерлердің ішінде IT саласының мамандары аз емес. Солар өз темасында қозғай ма деген ой ғой баяғы. Бірақ олар үнсіз. Әйтеуір Аршат Ораз таза ғылым саласында болмаса да, өз темасымен тәуір ұсыныс жасады. Бірақ министр өз жауабында тақырыпты бұрып жіберді. Шамасы бұл ұсыныс та ол күтпеген нәрсе шығар.

(Сурет табылмады)

Маған Бэлла ханымның (Әлбетте, ол кісі де универ оқытушысы ғой) ұсынысы ұнады. Бізде көп нәрсе көзбояу ғой. Соның бірі әрине сол шетелдік ғылыми жетекші деген нәрсе (сосын әлгі қазақ тілі мен әдебиетінің магистранты ағылшын тілін білуі керек деген нәрсе де :() сияқты. Қажетсіз нәрселер деп ойлаймын мен де. Екінші ұсыныс та маған ұнады. Бірақ ол мүмкін емес сияқты. Магистрлік дәрежесіз универде сабақ беру үшін сол туралы заңды жойып тастамаса, былай министрдің оған рұқсат беретіндей түрін танымадым. Бірақ бәрін жазып әкетті ғой, көрерміз.

Жалпы бұны жазғанда блогерлерге немесе министрге мін таққым кеп тұрған жоқ. Тек мына видеоны қарап отырып, жазуға ықыласым ауып кетті)) Жай ой қосайын дегенім ғой.

Негізі мұндай нәрсені ұйымдастырғанда қырғын жастарды жинап ап, өткізбей, нақты сол салаға қатысы бар адамдарда ғана жинаса. Басында блогерлерді ішінара іріктеп алып, бөлек кездесу өткізеді деп еді. Сол формат дұрыс па деймін. Уақыт та болар ед, сонымен қатар, тыңдағысы келмейтіндер ұйықтап отырмас еді. Қанша дегенмен блогкемп қой.

Бірдеңе жазуға болады

Please enter your comment!
Please enter your name here