Ескерту! Егер сіз фейсбуктің бұрыннан белсендісі болсаңыз, өтіп кете беріңіз.
Құрметті, қолданушы, қош келдіңіз!) Егер сіз фейсбукті меңгеріп,дос жинап, әлеуметтік желі белсендісі болғыңыз келсе, төмендегілерге назар аударып көріңіз:
1. Фейсбукке тіркелген бойда, топырлатып достық жинамас бұрын, өзіңіз туралы тура ақпарат толтырыңыз. Тәжірибелі қолданушы достық қабылдарда адамның жеке парағына кіріп, қарап шығады:
– аваға өзіңіздің жүзіңіз анық көрініп тұрған, шынайы суретіңізді қойыңыз. Парақшада арнайы «ерекше сурет» қоятын жерге екі үш фото қойсаңыз артық болмайды. Сурет болмаса, тіпті қабылмасы анық;
– есіміңізді шынайы жазыңыз. Гүлім Гүлім, Милашка, Арғын, Найман, Адай, т.б. есімдерді бірден фейк деп қабылдайды. (Бұндай есімді даже фейкке де қоюға болмайды);
– Жұмыс істейтін мекемеңізді де жазып қойғаныңыз абзал. Бұл сіздің фейк емес екеніңізге аз да болса күдік сейілтеді;
2. Тіркеле сала, тым белсенді болып жазба жаза бермеңіз:
– селфилетіп, тым топырлатуға болмайды. Себебі фейсбук сурет орналастыра беретін жер емес. Демек фб мен инстаны айыра алмайтын шәйнек деп ойлары хақ.
– біреулердің постын тырағайлатып бөлісе де (репост) бермеңіз. Өз ойы пікірі жоқ, ешекбас, мәнжубас деген ой бірінші келеді ондайды көргенде. Нағыз бөліскің кеп, ішіңді тесіп бара жатса, неге бөлісіп жатқаныңды айтып, өз пікіріңді жоғарына жазып қой.
3. Өзгелердің постына пікір жазғанда, ойланып жаз (Бұл жерде енді агрессиямен ЖАЗАМЫН):
– мың жыл көрмесең де, посттың астына «оо, қалайсың, сәлем, привет, т.б.» деп ЖАЗБА!!! Ол үшін Сүгір Берік мессенджер деген қосымша жасаған. Сонда таңнан кешке дейін сөйлессең де болады. Ал пікір жазатын жер аты айтып тұрғандай посттың мағынасына ПІКІР ЖАЗАТЫН ЖЕР! (Айқалап жатқан жоқпын, түсіндірватырм)
– Пост жазатын жер мен пікір жазатын жерді шатастырма. Біреудің постының астына өз суретін салып, қыртеееп отыратындарды көргенбіз))
– Кедей кириллмен жазба. «Телефонда қазақша әріп жоқ» деген сылтау емес, жай ғана сіздің надандығыңыз немесе жалқаулығыңыз. Әйтпесе, сіздің мұғалім екеніңізден сауатты жаза білетініңізді бәрі біліп отыр. Сіздің қолыңыздағы смартфон сізден де ақылды. Құрығанда Гугл атаның басына шырақ жазсаңыз, табасыз. Ал ютубта қалай орнату керектігі туралы жазба бар.
– біреудің постындағы ой сіздікімен сәйкес келмесе де, «мұны жазба, құрт, пәлен-түген» деуден аулақ болыңыз. Оның өз парақшасы, өзі біледі. Жазғандары сізге ұнамаса, жай ғана достықты үзе салыңыз. Неғыласыз нербінишетіп…
4. Пост жазғанда мыналарды ескеріңіз. Бұлар өзіңіздің сауатыңыз бен болмысыңызға байланысты енді:
– Тағы да қайталап айтамын, кедейкириллмен пост жазбаңыз! Қазақша әріппен жазыңыз;
– «Ойбай, қазақ қайда барады?» деп атой салатын жазба жазбауға тырысыңыз. Білемін, ол кухняда, үстелді ұрып отырып айтатын пікірлеріңіз. Бірақ одан гөрі сол кетіп бара жатқан қазақтың неге кетіп бара жатқанын және қалай қайтарып алуға болатыны туралы мәндегі пост жазсаңыз, мен сіздің тұрақты оқырманы болар ем. Мысал керек болса, менің бір ай бұрын жазған Мен үшін үздік он фейсбукші деген постымдағы қолданушыларды оқып көріңіз;
– Пост жазғанда жұрттың бәрі көп көрсін деп, бәрін тегтей бермеңіз. Бұл – достықтан айырылудың ең төте жолы. Ешкім өзіне керегі жоқ посттан ескертпе келгенін қаламайды. Сосын амал жоқ, сізді банға жібере салады.
Әзірше осы, ары қарай ойлануға ерініп қалдым. Оқып шыққан тәжірибелілер болса, жалғастыруына болады. Ал жаңа келгендер осыларын реттесе де болатын сияқты.
Іске сәт, балмұздақтар! ФБ әлеміне басқан қадамың құтты болсын!
