Айтпақшы ескертіп кетейін, бұл жерде жай жаза салатындар емес, көбінесе анализ жасап, талдау жасайтын жазармандарды келтіріп отырмын.
Сонымен үздік бестікке Meihua Zheng деген кісіні қостым. Мені соңғы кезде көбірек қызықтырып жүрген пиар туралы жиі жазады. Дегенмен жазбаларын өз парақшасынан гөрі Қазақ журналистері деген фб-дағы топ пен gulimeo.kz сайтынан және телеграмдағы PR.Қазақстан каналынан табуға болады.
Төртінші ғып Өркен Кенжебек деген қаңғыбас блогерді қойғым кеп отыр. Бұл кісі әмбебап, жан-жақты жазады, дегенмен қаңғыбас деп бекер айтып отырған жоқпын, өзім үшін барған жерлері туралы жазғандары ұнайды. Дегенмен басым тақырыбы ол емес, жан-жақты. Мен үшін ең бастысы — жеткізу тәсілі. Айталық жарнаманы жазуы))
Үздік үштікті Нұрмағамет Байғара деген жігіт қорытындылайды. Бұл жігіттің бұрын әлеуметтік демей-ақ қояйын, экономика туралы жазбалары ұнайтын, қазір шетелде жүріп жазған жазбаларын үзбей оқимын. Бәлкім барлық жазбаларын жібермей оқыған шығармын.
Дәл осы бағытта Руслан Желдібай мен Нұрлан Жанай деген азаматтарды қосуға болады. Әлеуметтік, экономикалық, білім туралы бөлшектеп жазғандары ұнайды бұл жігіттердің.
Екінші орынға Ерлан Оспан деген алпауытты қойғым келіп отыр) Бұл кісі жаңа технология, ІТ технология деген біз сияқты ажалдылар түсінуі қиын нәрсені ұғынықты түсіндіріп беретінімен қызықты. Сондай-ақ әңгімесін осы кісідей дәмді ғып жеткізетін адамды қазнеттен көрмедім.
Ал бірінші орынды таңдағанда ойланған жоқпын)) Динара Болат деген ханым. Бұл кісінің арқасында өмірге құштарлығың артып, көз алдың қызыл-жасыл түске айналып кететінін жасырып неғылайын) Саясатшы-жазбагер. Әр жазбасынан мотивация алаулап, түтіні танауыңды қытықтап тұрады.
Өзі «Қаралығым — комплексім» десе де, біз сияқты саяхатқа аңсары ауып, бірақ ешқайда шығуға жүрегі дауалай бермейтін пенделер үшін «Ақ қанатты періштедей» көрінетінін неге жасырайық))
Сондай-ақ бұл кісідей жер жерді араламаса да, саяхаты туралы жақсы жазатын Жазира Жанділдина, Фатима Аманжол, Салтанат Қуанышбаева, Ертай Нүсіпжанов секілді жазбагерлер бар екенін еске сала кетейін.
Ошм, осы. Бұл жерде ешқандай объективті ой жоқ, бәрі жеке көзқарасым. Оның үстіне бұл фб-ға жаңа келгендер үшін оқуға тұратын жазармандарды келтіріп отырмын деп ақталып алайыншы))
Басы мына жерде.
