Әр хабардың өз миссиясы болады ғой. Біреуі күлдіруге, біреуі толқытып, жылатуға, бірі таза рейтинг үшін хайп қуады.
Ал «Тәлім TREND» миссиясын аты айтып тұрғандай, тәлім беруге негізделіп тұр. Ал тәлімді кім береді, соның идеологиясы жүретіні итке де, итақайға да айқын дүние.
Сондықтан «Қалаулымға» неге қарсы шықпайсыңдар деу — өте негізсіз сөз. Себебі белгілі, біріншіден, ол Ұлттық арнада көрсетілмейді, басқа арна, айталық Мұхаметжан мырзаны «Асыл арнадан» көрсетпеңдер деп жатқан жоқ қой.
Екіншіден, жоғарыда айтып кеткендей, «Қалаулымның» миссиясы басқа, ол ешкімге тәлім-тәрбие беруді мақсат тұтпаған. Мың таңдауы бар қоғамның бір парасының қызығы үшін ғана. Оны көру-көрмеу — өз шаруаң.
Ал «Тәлім TREND» атауынан бастап, «Ұлттық арнадан мені көріңдер, менен тәлім алыңдар» деп тұр. Яғни қоғамды тәрбиелеуді миссия қылғанын жасырмай отыр. Ендеше осындай миссияны арқалаған бағдарламаны жүргізетін адам туралы қоғам неге өз сөзін айтпауы керек?!
Өйткені тв көрмейді дегеннің өзінде қоғамның бір бөлігіне ықпал етуді жасырмайтын бағдарламаға неге пікір білдіріп, өз көзқарасын білдірмеуі керек?
Жүз пайыз мемлекет қаржысынан қаржыландырылатын, басты мақсаты зайырлы мемлекетшілдікті қалыптастыруы тиіс деген арна неге діни арнаның директорын эфирге шығарып, Тәлім-Тәрбие туралы әңгіме айтқызу керек деген пікір, меніңше, орынды пікір.
Сол тәлімді айта алатын діни арна менеджері емес, дін саласының ғалымдары, ҚазҰУ, ЕҰУ, қала берді Нұр-Мүбарак университетінің ғалымдары неге тәлім бермейді деген пікірдің болуы да заңдылық. Жоқ дегенде, Мұсылмандар Басқармасы деген білдей ұйым бар. Олардың Ғұламалар кеңесі деген бөлімі бар. Солар жетпей жатыр ма?!
Өйткені бұндай қоғамға тәлім беретін адам өз ісінің маманы, ғалымы болуы тиіс емес пе?!
Әрине, талаптың орындалуы бір басқа, мен көрерменді неге қарсы шығасың деп жазғыру туралы айтып отырмын
